প্রাগাধুনিক চীনা কবিতা অনুবাদ (মনিপুরিতে)

ওয়াং ওই[৭০১-৭৬১]
ইচিল-ইনাওগি দমক শৈরেংমা

মসিগি চিংশাংসিদা লোত্তুনা বৌদ্ধ শ্রমণ মায়াম্মা
পুল্লপ পুন্দুবা ধ্যান, ইনাত্থৌনি শাজেনগি থবক চত্থরি;
মীয়ামনা লাপখ্রবা শহরদা চেকলাংদগি কোয়য়েং য়েংই অদুবু
লোত্তুনা থম্বিরিবা লৈচিলগি অঙৌবা মচুতা উবা ফংই মখোয়না।

পো চুই [৭৭২-৮৪৬]
চিংদা কাবগি মঙ

ঙরাং নুংথাং ইদোমতা
চৈশু পায়দুনা,
লিশিং তারা টিলা লান্দুনা,
লিংশিমা য়ুংখত্পা ফিবান কাদুনা,
সাংজিং কারম্বগি মঙলান অমা মঙলম্মি।
য়াম্না নুঙাইরম্মি।
মঙলানদুদা চোকথরমদে ইখোংসে।
পাখংগুম্না ঐ খিং খিং লাওরম্মি।
অদুবু চত্না চত্না ঐ জ্ঞান তারকই, হল্লকই--
চপচানা শোয়নাইরবা শাদোং অমদি কায়াত্কা।
আহান্বা ওইনা খংবা ঙম্মি তশেংনা
মদুগি মওংসিনা ঙম্মি ঐবু নাহন্বা
অদুগা ইথিলনা শা'ফহন্বা,
শকফম অমদি ইথিল অনিমকসু মায়ানি;
মঙ নত্রগা মাংদা তারিবসিত্তনা নত্তে অচুম্বা হায়বদো।
অয়ুক-নুংথিলদা য়াম্না ওয়ানা ঐনা চচৈ
নুংথাংদদি চত্নিংবা মওংদা চত্পা ঙম্মি।
মতমদি অয়ুকনুংথিল অমসুং নুংথাং হায়না
চপ মান্ননা খাইদোকপনিনা,
ঐগি করিমত্তা মাংজদে

[Primodern chinese poetry in 'monipuri' translated by konthoujam suranjit]